Qarabagh

تړون

30.08.2008 06:02

تړون

ژوند مې له سا سره تړون کړی دی

نن مې اشنا سره تړون کړی دی

موږ به له مرګ نه پس هم مینه کوو

هغې له ما سره تړون کړی دی

نور به دا خپل ځای خوشحالي ته پریږدم

غم له مسکار سره تړون کړی دی

ها د ښایست هغه د میني قاتل

نن له ښکلا سره تړون کړی دی

نور به محراب ته هم جامونه دروړم

ساقي ملا سره تړون کړی دی

هغه ده شونډو کې مسکی مسکی ده

(ژوندون) ( یو چا) سره تړون کړی دی

عبدالله شاه ژوندون /غزني قره باغ

19/1/2008


ستاسو تبصره


لطفاً لاندې افغانستان په انګليسي تورو وليکئ.